المفضل الياموني يَغْزِل الحرف زجلا..قرقب علي الحال
المفضل الياموني
سمعتني ف يد السؤال زكية ….سمعتني مرة واللا أكثر
ولا جواب من الأرض
و لا جا من السما خبر
الدق والسكات ….الموت بالفن
طاح ..سري ف السطر
مضغت عشقي اخضر
…بغيت نمشي لقيت …الطريق جمع راسه فدواخلي
سولني الحنين…..تمديت ف الصغر
طلقتني وسرت نتفكر
لقيت البال مازال….. مع اللي كانبغي مجرجر
ماطنجاوي ماقصراوي …أنا ولد صرصر
تعلمت نطلع بلا ماعاق بي الحجر
تعلمت نعوم …بلا ما شافتني موجة ولا بحر
….سعدات اللي قلبو حنين
يفتح الدواية يهرق ف الدفتر
يحسن لعوان اللي صدره من لحجر
مات من شحال … وماجايب للدنيا خبر!
