ايمان الونطدي تكتب : “فالنتين”..عيد لبغو “لبغو فيه و فيه “
الروائية والشاعرة،ايمان الونطدي
كلما سمعتهم يتكلمو على عيد لبغو، كنسول ذاتي ، شحال من بغو ف راس بنادم.
واش لبغو يوم، يوماين، أم لبغو على طول الدوام؟
واش بالصح لبغو حمر و القلب العاشق لونو تا هو احمر أو غير نزلو عليه الباطل؟
لحمر أصلا لون الدم والثار والنار.
شكون من نيتو كيآمن بلبغو و الكادويات الناشطة يامات لبغو (فالنتين) واش كتعبر على المكنون أو غير زواق؟
واش عارفين أصلو و فصلو هاذ العيد لحمر اصلو دم وموت وإعدام.
بصراحه هاذ لبغو كيفكرني ف الحسره ولعذاب. و ف نفس الوقت ف شجاعة ورجولة “فالنتين” وبالتضحية ديالو مللي عارض المخزن ديالهم وزوج الشباب الممنوعين من الزواج.هاذ القضية اللي كانت سباب ف سجنو و موتو.
هنا السؤال واش بغو اليوم شجاعة و تضحية و رجولة أو غير زهو ونزاهة.
والزوينه ف هادشي كامل كاين اللي كل عيد بغو تلقاه محتافل و فرحان مع نميرة جديدة و يقولك عيد لبغو.
ايوا كل فيشطة بغو و انتوما ناشطين زاهيين.
